Sumarferðin 2014

posted May 28, 2014, 4:20 AM by Vefstjóri heimasíðu   [ updated Jun 6, 2014, 2:43 AM ]
Þá er komið að því að segja frá sumarferðinni og verður farið í Þórsmörk sunnudaginn 22. júní.  Það verður lagt af stað frá Mjóddinni á bílastæðinu fyrir aftan kirkjuna kl. 10:00 eins og vanalega.  Við erum búnar að fá góða rútu sem kemst með góðu móti í Mörkina.  Það er bara yfir eina á að fara og er hún venjulega enginn farartálmi.
 
Við tökum stefnuna austur fyrir fjall og stoppum á leiðinni, annaðhvort í Hveragerði eða Selfossi svona til að liðka fæturnar.  Svo verður súpa og brauð, sennilega á Hellu, það á eftir að negla það niður. Það tekur um 3 tíma að keyra í Mörkina án þess að stoppa, en við höfum daginn fyrir okkur.

Eftir súpuna höldum við aftur af stað sem leið liggur yfir Markarfljót og kíkjum á Seljalandsfoss ef vilji er fyrir því.  Svo höldum við sem leið liggur í Mörkina í Bása þar sem Útivist er með aðstöðu. Við erum búnar að fá leyfi til að nesta við skálann, annaðhvort á pallinum eða í stóru tjaldi sem er þarna á svæðinu ef eitthvað er að veðri.  Við verðum með samlokur og eitthvað sætt á eftir, en við biðjum ykkur að hafa með ykkur það sem þið viljið drekka með samlokunum.

Það er mjög þægilegt að vera í Básum, það þarf enginn að ganga nema vilji sé fyrir því, allt slétt í kringum skálann.  Maður þarf ekkert að fara til þess að njóta náttúrunnar, hún er allt í kringum okkur.  Við getum bara sest á næstu þúfu og notið útsýnisins.

Við vonum að sem flestar geti komið með okkur í þessa ferð.  Stjórnin sér um þessa ferð vegna þess að ferðanefndin varð óvirk vegna veikinda.
 
Símar hjá stjórninni eru :
  • Dollý  898-0076
  • Sirrý   552-1153 og 899-1153
  • Jóna Björg  894-6965
Comments