 Gamlar fréttir frá því fyrir haustið 2010 er hægt að skoða hér. |
Fréttir og tilkynningar
September 2019 - Bréf frá stjórn
Kæra félagskonaNú haustar eftir bjart og gott sumar hér sunnanlands. Senn hefst vetrarstarfið sem er alltaf tilhlökkunarefni. Verður dagskrá funda og samvera vonandi heillarík. Fundir til áramóta verða haldnir fyrsta mánudag hvers mánaðar, þ.e. í október, nóvember og desember. Fundarstaður verður sem áður Grand Hótel og hefjast fundir kl. 19:00, nema jólafundurinn sem hefst kl. 18:30. Dagskrá verður auglýst á fésbókarsíðu félagsins (Kvenfélagið Heimaey) og hér á heimasíðunni. Forráðamenn hótelsins þurfa að fá uppgefinn fjölda þeirra kvenna sem mæta á fundi hverju sinni til að sporna gegn matarsóun og þurfa konur því að bóka sig með því að senda tölvupóst á netfangið Heimaey.Kvenfelag@gmail.com eða hringja í vikunni fyrir fund í Ingibjörgu ritara í síma 861-2748. Fundir verða sem hér segir:
Á októberfundinn fáum við góðan gest, Sigurjón Guðmundsson. Fyrirlestur hans nefnist "Minningar um leikhús í Vestmannaeyjum." Sigurjón er fæddur og uppalinn í Eyjum, sonur hjónanna Guðmundar Ólafssonar frá Oddhóli og Guðrúnar Sigurjónsdóttur úr Mýrdal. "Til fortíðar" getum við nefnt efni nóvemberfundar. Þá ætlum við, að loknum kvöldverði, að horfa á myndir úr starfi félagsins. Rödd Svanhildar Jakobsdóttur mun óma um salinn á jólafundinum. Það verður tónlistarveisla með undirleikurum því Svanhildur er löngu kunn sem söngkona. Átti hún sinn þátt í að gera lög Oddgeirs Kristjánssonar ódauðleg er hún söng mörg þeirra inn á plötu með hljómsveit Ólafs Gauks árið 1968. Það er von okkar í stjórninni að þú hafir ánægju af starfinu og komir með tillögur að nýjungum því alltaf má gera gott betra. Hittumst hressar og gleðjumst á góðum samverustundum í vetur. Bestu kveðjur, Gunnhildur s. 863 1367 gunnhildur.hrolfsdottir@gmail.com Katrín s. 861 8047 katringun@simnet.is Ingibjörg s. 861 2748 ihs@mi.is |
Félagsfundur 1. apríl !
Ágætu félagskonur!Við minnum á fundinn næsta mánudag þann 1. apríl kl. 19 á Grand Hótel. Munið að skrá ykkur með því að senda tölvupóst á netfangið:heimaey.kvenfelag@gmail.com Þær sem ekki hafa netfang geta hringt milli 18 og 21 til að skrá sig í síma 861-2748 eða sent SMS í sama símanúmer. Fyrirlesarinn að þessu sinni, Ingibjörg Þórðardóttir, segir frá æskuslóðum sínum í miðbænum. Nafnið á fyrirlestri hennar er: Bernskuminningar úr Eyjum. Endilega takið með ykkur gesti á fundinn. Með kveðju og von um að sjá ykkur sem flestar á fundinum. f.h. stjórnar Ingibjörg Sverrisdóttir |
Febrúar 2019 - Bréf frá stjórn
Ágæta félagskona! Nú er nýtt ár hafið og tímabært að kynna dagskrá félagsins til vors. Fundarstaður verður eins og áður Grand Hótel. Mánudaginn 4. mars kl. 19:00 Fundur hefst með kvöldverði. Að honum loknum mun Helgi Bernódusson flytja fyrirlestur. Ferðanefnd mun einnig gera grein fyrir sumarferð félagsins. Mánudaginn 1. apríl kl. 19:00 Fundur hefst með kvöldverði. Að honum loknum mun Ingibjörg Þórðardóttir segja frá æskuslóðum sínum í miðbænum. Sunnudaginn 12. maí kl. 14:00-17:00 Lokakaffið í AKOGES salnum, Lágmúla 4. Vestmannaeyingum gefst þarna tækifæri til að hittast, spjalla og syngja saman í notalegu umhverfi. Upplagt er einnig að bjóða fjölskyldunni í kaffi. Mánudaginn 20. maí kl. 19:00 Aðalfundur Á dagskrá verða hefðbundin aðalfundarstörf. Að þeim loknum verður boðið upp á tískusýningu frá versluninni Motivo. Við minnum á heimasíðu félagsins www.heimaey.org sem og facebook síðuna en á báðum þessum síðum er greint frá atburðum í starfi félagsins. Nú hafa gengið í gildi þær reglur hjá Grand Hótel að tilkynna verður fjölda á fundum. Er því áríðandi að þær sem eru nettengdar og ætla að mæta sendi tölvupóst á netfangið heimaey.kvenfelag@gmail.com. Þær sem ekki eru nettengdar geta hringt í vikunni fyrir fund í Ingibjörgu Sverrisdóttur ritara í númer 861 2748 eftir kl. 18:00 og til kl. 21:00. Hún mun senda út tölvupóst og auglýsingu á facebook tveimur vikum fyrir fund og ítreka upplýsingar í vikunni fyrir fund. Stjórnin sendir þér og fjölskyldu þinni óskir um farsæld og þakkar þér gefandi samveru á liðnu ári. Það er von okkar stjórnarkvenna að dagskrá funda sé konum til gleði og fróðleiks og að við njótum þeirra samverustunda sem starfið veitir okkur. Munið einnig að gestir eru hjartanlega velkomnir á fundi. Bestu kveðjur til ykkar allra. Gunnhildur s: 863 1367 gunnhildur.hrolfsdottir@gmail.com Katrín s: 861 8047 katringun@simnet.is Ingibjörg s: 861 2748 ish@mi.is Spakmæli: Gleði og ánægja eru jafn nauðsynleg og matur og drykkur. |
September 2018 - Bréf frá stjórn
Kæra félagskona Nú haustar eftir frekar regnvott sumar og styttist í að vetrarstarf félagsins okkar hefjist. Slíkt er alltaf tilhlökkunarefni og verður veturinn okkur vonandi heillaríkur. Fundir til áramóta verða haldnir fyrsta mánudag hvers mánaðar, þ.e. í október, nóvember og desember. Fundarstaður verður sem áður Grand Hótel og hefjast fundirnir kl. 19:00. Dagskrá verður auglýst á vef félagsins (heimaey.org) og á Facebook.
Fundir verða sem hér segir:
Á októberfundinn fáum við góðan gest, Þórlind Kjartansson. Fyrirlestur hans nefnist „Skjól við móðurhjartað.“ Þórlindur er fæddur og uppalinn í Vestmannaeyjum, sonur hjónanna Katrínar Þórlindsdóttur og sr. Kjartans Sigurbjörnssonar. Margrét Erla Maack mun liðka mjaðmir og kitla hláturtaugar með örnámskeiði í magadansi á nóvemberfundinum. Magadansinn liðkar bak og hentar afarvel á kvenfélagsskemmtun þar sem allir líkamar fá notið sín í dansinum og allt er hrist sem venjulega er haldið inni. Margrét kennir undirstöðuatriði í magadansi með húmorinn að leiðarljósi. Sjarmi, elegans, hossur, hristur, tækni, tjútt og taktvísi. Heimilistónar munu óma um salinn á jólafundinum. Heimilistónar er íslensk kvennahljómsveit stofnuð 1997. Meðlimir hljómsveitarinnar eru leikkonurnar Elva Ósk Ólafsdóttir, Katla Margrét Þorgeirsdóttir, Ólafía Jónsdóttir og Vigdís Gunnarsdóttir. Það er von okkar í stjórninni að þú hafir ánægju af starfinu og komir með tillögur að nýjungum því alltaf má gera gott betra. Hittumst hressar og gleðjumst á góðum samverustundum í vetur. Bestu kveðjur, Gunnhildur s. 863 1367 gunnhildur.hrolfsdottir@gmail.com Katrín s. 861 8047 katringun@simnet.is Ingibjörg s.586 2748 og 861 2748 ihs@mi.is |
Febrúar 2018, bréf frá stjórn
Bréf frá stjórn
Kæra félagskona Nú haustar og styttist í að vetrarstarf félagsins okkar hefjist. Slíkt er alltaf tilhlökkunarefni og verður veturinn okkur vonandi góður og heillaríkur. Fundir til áramóta verða sem áður haldnir fyrsta mánudag hvers mánaðar, þ.e. í október, nóvember og desember. Fundarstaður verður sem áður Grand Hótel og hefjast fundirnir kl. 19:00. Dagskrá verður auglýst á vef félagsins (heimaey.org) og á Facebook. Fundir verða sem hér segir:
„Saga konu sem fæddist í fríríkinu Danzig árið 1929“, nefnist fyrirlestur Erlu Dorisar Halldórsdóttur dr. í sagnfræði sem hún mun flytja okkur á nóvemberfundinum. Fjallar hún um ævi móður sinnar sem kom til Íslands árið 1950 og settist hér að. Bræðurnir Helgi og Hermann Ingi úr hljómsveitinni Logum munu skemmta okkur á jólafundinum. Þeir hafa löngum getið sér gott orð í tónlistinni og leika um þessar mundir með hljómsveitinni Hrafnar. Það er von okkar í stjórninni að þú hafir ánægju af starfinu og komir með tillögur að nýjungum því alltaf má gera gott betra. Hittumst hressar og gleðjumst á góðum samverustundum. Bestu kveðjur, Gunnhildur s. 863 1367 gunnhildur.hrolfsdottir@gmail.com Katrín s. 861 8047 katringun@simnet.is Jóna Björg s. 431 1565 og 894 6965 jona.b@simnet.is |
Vorferð/sumarferð fellur niður
Ágætu félagskonur Þar sem mjög lítil þátttaka var í fyrirhugaðri vorferð/sumarferð í maí nk. var ákveðið að fella hana niður. Með sumarkveðju Ferðanefndin |
Vorið 2017
Ágæta félagskona Nýtt ár er hafið og mál að huga að dagskrá félagsins til vors. Fundarstaður verður eins og áður Grand Hótel. Mánudagur 6. mars kl. 19:00 - Fundur Fundur hefst með kvöldverði. Að honum loknum mun Gunnhildur Hrólfsdóttir rifja upp æsku sína á Landagötunni og sýna myndir. Laugardagur 8. apríl kl. 14:00 - Óvissuferð Gott væri að konur skráðu sig sem fyrst. Lofað er skemmtilegum eftirmiðdegi og verður lagt af stað frá bílastæðinu fyrir ofan Breiðholtskirkju í Mjódd klukkan 14:00 Sunnudagur 7. maí kl. 14:00-17:00 - Lokakaffi Vestmannaeyingum gefst þarna tækifæri til að hittast, spjalla og syngja saman í notalegu umhverfi. Upplagt er einnig að bjóða fjölskyldunni í kaffi. Mánudagur 22. maí kl. 19:00 - Aðalfundur Á dagskrá verða hefðbundin aðalfundarstörf. Að þeim loknum verður boðið upp á skemmtiatriði sem auglýst verður á heimasíðu félagsins þegar nær dregur. Laugardagur 3. júní - Sumarferð Hin árlega sumarferð er á dagskrá laugardaginn 3. júní. Verður nánar sagt frá ferðinni á fundinum þann 6. mars. Vegna vonbrigða með að ekki skyldi boðið upp á hlaðborð á síðasta jólafundi óskaði ég eftir fundi með þeim Salvöru ráðstefnustjóra og Ásmundi veitingastjóra á Grand Hótel. Tjáði ég þeim almenna óánægju stjórnar og félagskvenna með matinn. Var þeim vel kunnugt um stöðuna því margar konur höfðu haft samband beint við hótelið og kvartað. Þau Salvör og Ásmundur hörmuðu þau atriði sem miður fóru á jólafundinum og báðust innilega afsökunar á röð mistaka sem áttu sér stað. Fékk ég sent tilboð fyrir jólafundinn í ár sem mér þótti ásættanlegt. Árum saman hafa fundirnir verið haldnir á hótelinu, þjónustan hefur verið lipur og allt viðmót þægilegt. Aðkoma að byggingunni er góð og næg bílastæði. Er það ósk mín að með þessum ráðstöfunum hafi fundist lausn á málinu. Sjá má ítarlegri umfjöllun á heimasíðu og facebook félagsins. Stjórnin sendir þér og fjölskyldu þinni óskir um farsæld og þakkar þér gefandi samveru á liðnu ári. Það er von okkar stjórnarkvenna að dagskrá funda sé konum til gleði og fróðleiks og að við njótum þeirra samverustunda sem starfið veitir okkur. Munið einnig að gestir eru hjartanlega velkomnir á fundi. Bestu kveðjur til ykkar allra, Gunnhildur s: 863 1367, gunnhildur.hrolfsdottir@gmail.com Katrín s: 861 8047, katringun@simnet.is Jóna Björg s: 894 6965, jona.b@simnet.is Spakmæli: Góð orð eru mikils virði og kosta ekki neitt |
Jólafundurinn og jólahlaðborðið
Kæru félagskonur. Takk fyrir ánægjulega samveru á jólafundinum þann 5. des. Hann var fjölmennur og góður rómur gerður að þeim skemmtiatriðum sem í boði voru. Að ekki skyldi boðið upp á jólahlaðborð voru hins vegar veruleg vonbrigði og hafa margar látið í sér heyra af þeim sökum. Ekki er annað hægt en að taka tillit til slíkra athugasemda og fékk ég fund með þeim Salvöru Lilju ráðstefnustjóra á Grand Hotel og Ásmundi veitingastjóra. Tjáði ég þeim almenna óánægju stjórnar og félagskvenna með matinn. Ekki það að nokkuð væri athugavert við þá rétti, sem fram voru bornir en allar höfðu vænst þess að ganga að hinu glæsilega jólahlaðborði sem hótelið er þekkt fyrir og við höfum notið undanfarin ár. Var þeim Salvöru og Ásmundi vel kunnugt um stöðuna því margar konur höfðu haft samband beint við hótelið og kvartað, vildu fá bætur í einhverri mynd. Þau Salvör og Ásmundur hörmuðu þau atriði sem miður fóru á jólafundinum og báðust innilega afsökunar á þeirri röð mistaka sem áttu sér stað. Vonast þau til að geta bætt um betur og óska eftir tækifæri til þess. Vildu þau gera okkur tilboð fyrir fundinn sem haldinn verður í mars en ég óskaði eftir tilboði fyrir jólafundinn að ári. Var þeirri beiðni vel tekið og fékk ég sent tilboð sem hljómar vel. Ásmundur veitingastjóri býður fordrykk með léttum pinnamat og jólahlaðborð á kr. 6.900,-. Hvítvín og rauðvín verður á kr. 5.200,- kr. flaskan. Hann lét þess einnig getið að hótelið myndi gefa möndlugjöfina. Tel ég tilboðið ásættanlegt og geri ráð fyrir að því verði tekið. Árum saman hafa fundirnir verið haldnir á hótelinu. Þjónustan hefur verið lipur og allt viðmót þægilegt. Aðkoma að byggingunni er góð og næg bílastæði. Er það ósk mín að með þessum ráðstöfunum sé fundin lausn á málinu og við getum horft glaðar til komandi árs. Kær kveðja, Gunnhildur formaður |
Ferðasaga vorferðarinnar 2016
Vorferðin 2016 var farin um Kjósina yfir á Þingvelli, Reykholt, Flúðir og víðar. Ferðanefndin hefur ritaði ferðasögu sem hægt er að lesa hér. |
1-10 of 64